Wata mata mai suna Firdausi Muhammad ‘yar shekara 25 da ta haifi ‘ya’ya biyu a shekarar da ta gabata ta sake haihuwa ‘yan uku a jihar Jigawa.
Matar dai ta haifi jariran ne ta sashin cesarean a babban asibitin Dutse a ranar Asabar da misalin karfe 12:30 na dare.
An bayyana cewa ‘yan ukun, namiji daya da mata biyu, suna cikin koshin lafiya, inda ake samun kulawa daga tawagar likitocin a asibitin.
DAILY POST Hausa ta samu labarin cewa farin cikin shima kalubale ne ga iyalan Dayyabu Muhammad karamin dan sanda dake aiki a hukumar yan sandan jihar Jigawa.
Uwargidan Dayyabu ta yi kira ga Gwamnan Jihar Jigawa, Umar Namadi, da matarsa da sauran masu jin kai da su tallafa musu wajen kula da ‘ya’yansu.
“Ina kira ga Gwamnan Jihar Jigawa da matarsa da sauran mutane da su taimaka mana wajen kula da su yadda ya kamata,” in ji Firdausi.
Mijinta, Dayyabu, ya bayyana jin dadinsa amma kuma ya bukaci a yi addu’a da a Kuma tallafa musu.
Matar dan sandan ta haifi ‘ya’ya uku bayan shekara guda da haihuwar tagwaye a Jigawa
