Manajan Daraktan Hukumar Ruwa ta Jihar Kano, Injiniya Garba Ahmad Bichi, ya bayyana cewa jihar na bukatar kusan litar Ruwa miliyan 700 domin biyan bukatun yau da kullum.
Injiniya Bichi ya bayyana haka a ranar Litinin, yayin kare kasafin kudin hukumar a ginin Majalisar Dokokin Jihar.
A cewarsa, hukumar tana da bukatar karin kayayyakin aiki da kuma rashin isassun kawunan famfo.
Yace gwamnatin Kano ta amince da siyan karin wasu famfuna domin tabbatar da samun ruwa a jihar. “Da zarar an kawo su, za a samu babban sauyi, kuma ruwa zai wadatu,” in ji shi.
Kano na bukatar litar ruwa Miliyan 700 domin biyan bukatun yau da kullum
