Alummar Zamfara sun shiga hargitsi bayan an sake samun tashin bama-bamai a wurare daban daban a jihar.
Lamarin ya afku a ranar Juma’a a garin dan Sadau da ke karamar hukumar Maru, a lokacin da ake shirin gudanar da sallar Juma’a.
Rahotanni sun bayyana cewa bama-baman sun tashi a hanyoyin Dansadau da Malamawa da titin Malele duk a yankin Dan Sadau.
Wannan shi ne karo na uku da bam ya fashe a Zamfara, wanda ya kara ta’azzara matsalar tsaro da jihar ke fuskanta.
Wasu da abun ya fari akan idonsu ya bayyana cewa wasu fasinjoji sun taho wucewa kasuwar Juma’a da ke ci a garin a lokacin da bam din ya tashi da su.
Har yanzu ba a samu cikakken rahoton adadin rayukan da aka rasa a harin bam da ya tashi. Sai dai an samu rahoton cewa, direban motar ya samu ya tsira da ransa bayan motar da ya dauko a makare da hatsi ya tarwatse.
Bama-Bamai sun tashi a sassan daban daban na Zamfara
