Majalisar Dattijai a ranar Laraba ta ayyana kujerar gwamna Monday Okpebholo wanda tsohon sanata ne a matsayin wadda babu kowa a kai.
Majalisar ta kuma bukaci hukumar zabe ta kasa (INEC) da ta shirya zaben cike gurbin kujerarsa.
Kujerar Okpebholo, wanda ya wakilci Yankin Sanatan Edo ta Tsakiya, ta zama babu kowa a kai bayan zaben sa da kuma rantsar da shi a matsayin gwamnan Jihar Edo a watan jiya.
Shugaban Majalisar Dattijai, Godswill Akpabio, ne ya ayyana hakan bayan wani zaman karrama gwamnan da Majalisar ta shirya.
Akpabio ya kuma yi kira ga Gwamnan da ya ci gaba da aiki kwatankwancin wanda yayi a majalisar don inganta arayuwar al’ummar jihar sa.
Babu kowa a kujerar Sanatan Edo ta Tsakiya – Apkabio
