Tsohon ɗan wasan Faransa, William Gallas, ya gargadi Chelsea da kada su ɗauki tauraron Liverpool, Mohamed Salah, koda kuwa zai kasance kyauta batare da kwantiragi ba.
Salah da ya shiga watanni 12 na ƙarshen kwantiraginsa a Anfield, kuma a baya-bayan nan ya tabbatar da cewa ba ayi masa tayin tsawaita zamansa a ƙungiyar ba.
Saboda haka akwai yiwuwar ya bar ƙungiyar maimakon ya ci gaba da zama.
Sai dai Liverpool na sa ran yin wani yunkuri don ganin Salah ya sake sa hannu kan sabon kwantiragi, kuma akwai yiwuwar Salah mai shekara 32 ya karɓi tayin kuɗi mai tsoka daga ƙasar Saudiyya nan gaba a bazarar badi.
A wata tattaunawa da Prime Casino, Gallas ya bayyana cewa zuwan Salah zai iya kawo cikas ga ƙungiyar ta Stamford Bridge.
“Ina ganin Chelsea bai kamata ta karɓi Mohamed Salah a matsayin dan wasan da kwantaraginsa ta kare ba,’ inji Gallas ga Prime Casino.
“Yan wasan ƙungiyar Chelsea a yanzu suna koyon wasa tare ne, kuma suna girma tare, kuma hakan yana aiki sosai ƙarƙashin Enzo Maresca.
“Ina ganin kawo ɗan wasa kamar Salah ba zai yi wa ƙungiyar kyau ba, duk da irin bajintar da yake nunawa a gasar Premier.”
Chelsea, kar ku dauko Salah – William Gallas
