Wata kotu da ke zaman ta a Kano ta yankewa wasu masu ta’ammali da miygun kwayoyi hukunci.
Hukumar NDLEA ta cikin wata sanarwa da kakakin ta Sadik Muhammad Maigatari ya fitar ta bayyana farin cikinta da hukuncin da kotun ta yanke wa mutane 12.
Daga Cikin Mutane 12 da aka yankewa hukuncin Guda 11 zasu kwashe shekaru 3 a gidan gyaran hali ba tare da zabin biyan tara ba.
Haka zalika Sadiq Maigatari ya ce hukumar za ta cigaba da da bin maboyar bata garin musamman a filin masallacin Idi da ya zama matattarar miyagun kwayoyi a jihar Kano.
Hukumar ta NDLEA ta bukaci al’umma su cigaba da baiwa hukumar hadin kai da goyon baya.
Kotu ta yankewa masu ta’ammali da miyagun kwayoyi 12 hukunci a Kano
