Hukumar kdiddiga ta kasa (NBS) ta bayyana cewa an kashe mutane 614,937, yayin da aka sace mutum miliyan 2.2 daga watan Mayu 2023 zuwa Afrilu 2024.
Wannan na ƙunshe ne cikin rahotonta mai taken binciken laifuka da tsaron jama’a na 2024, wanda ya kuma nuna cewa masu garkuwa da mutane sun karɓi kuɗin fansa har Naira tiriliyan 2.2.
A cewar rahoton, mafi yawan mutanen da aka sace, kusan miliyan 1.6, sun fito ne daga ƙauyuka, yayin da yankin Arewa Maso Yamma ya fi fuskantar garkuwa da mutane da jimillar miliyan 1.4.
Rahoton ya kuma bayyana cewa gidaje sun kashe Naira 80,878 akan tsaro a cikin shekara guda. Mazauna birane sun kashe Naira 86,997, yayin da mutanen karkara suka kashe Naira 72,849.
Hakazalik, rahoton ya nuna cewa kashi 91 cikin 100 na sace-sacen mutane ya faru ne domin neman kuɗin fansa, yayin da sauran laifukan suka danganci rikice-rikicen siyasa ko matsalolin iyali.
Kawo yanzu dai gwamnatin bata ce komai ba game da wadannan alkaluma.
Kiddigar NBS ta nuna an sace mutum miliyan 2.2 an kashe mutum 614,937 a shekara daya
