Hukumar kula da ayyukan ’yan sanda ta tabbatar da karin girma ga jmi’an ’yan sanda 8,053.
A ranar Litinin ne aka yi wa kwamishinonin ’yan sanda 11 karin girma zuwa mukamin Mataimakan Sufeto-Janar (AIG), sannan an yi wa mataimakan kwamishinonin ’yan sanda (DCPs) 16 karin girma zuwa mukamin kwamishinoni (CPs).
A ranar Talata, an daga darajar mataimakan kwamishinonin ’yan sanda (ACPs) 21 zuwa mukamin DCPs, yayin da jami’an CSP 57 suka samu karin girma zuwa mukamin ACPs.
A wata sanarwa da mai magana da yawun hukumar, Ikechukwu Ani, ya fitar a ranar Laraba, ya bayyana cewa, jami’an 8,053 sun hada da Sufritenda (SPs) 1,348, wadanda aka daga su zuwa mukamin manyan Sufritenda (CSPs).
Hakazalika, ya ce mataimakan Sufeto (DSPs) 876 sun samu karin girma zuwa mukamin SPs, yayin da mataimakan Sufeto na biyu (ASPs) 5,829 aka daga su zuwa mukamin DSPs.
Hukumar kula da ayyukan ’yan Sanda ta yi karin girma ga jama’ai sama da 8,000
