Masu kananan da matsakaitan sana’o’i da ke Dakata a karamar hukumar Nasarawa a jihar Kano sun gudanar da taron Alkunuti da addu’o’i na musamman bayan shafe kwanaki 70 basu da wutar lantarki a yankin.
Rashin wutar ya shafi ma’aikata sama da 10,000 a yankin, hakazalika anyi kiyasin hasarar miliyoyin naira.
A yayin zaman addu’o’in ‘yan kasuwar sun nuna bacin ransu, inda suka nemi taimakon Allah a kan lamarin.
Sun dai dora alhakin rashin wutar lantarkin a wuyan kamfanin rarraba wutar na jihar Kano KEDCO, Inda suka ce da gayya ya janye musu wutar.
Ya zuwa yanzu dai kamfanin bai magantu akan wannan zargin ba.
Masu masana’antu sun gudanar da Alkunuti bayan shafe kwanaki 70 ba wutar lantarki
