Hukumar zabe mai zaman kanta ta jihar Katsina (KATSIEC), ta fara horar da sabbin malaman zabe na kananan hukumomi (EO) da ta dauka aiki domin gogar da su a kan sanin makamar gudanar da zabe.
Hukumar ta fara basu horon da wayar da kai na kwana biyu wanda ya kammala a ranar Talata, 10 ga watan Disamba, 2024 domin samar da ingantattun ma’aikatan da za su tabbatar da gudanar da zabe mai inganci.
Shugaban hukumar, Alhaji Lawal Alhassan Faskari, ya ce akwai bukatar horar da ma’aikatan zaben da na wucin gadi da aka dauka domin tabbatar da an gudanar da sahihin zabe.
Alhaji Lawal Alhassan Faskari ya kuma godewa masu ruwa da tsaki bisa gudunmawar da su ka bayar wajen tabbatar da an samu nasarar gudanar da zaben.
Malaman zabe 21 ne da aka zabo daga kananan hukumomin jihar, kuma su na karbar horo gabanin gudanar da zaben.
A ranar 15 Afrilu 2025 ne za a gudanar da zaben kananan hukumomi a jihar Katsina.
Katsina: Hukumar KATSIEC ta fara shirin zaben kananan hukumomi
