Mai martaba sarkin Kano, Muhammadu Sunusi II ya bayyana hanyoyin da ya kamata abi don warware tabarbarewar tattalin arziki kasa ba tare da an cire tallafin mai ba.
Sarkin ya bayyana haka ne a wajen taron shekara kan yanda za’a magance tabarbarewar tattalin arziki kasa, wanda tsangayar tattalin arziki ta jami’ar Northwest ta shirya.
Khalifa Muhammadu Sunusi yace idan aka samu hadin kan majalisa da bankin kasa da sauran masu ruwa da tsaki kan harkar tattalin arziki, za’a samu hanyar da shawo kan al’amari.
A nasa jawabin, Farfesa Badaru Muhd Sani na bangaren tattalin arziki a jami’ar Bayero, yace idan da za’a karawa gwamnatin shekaru daga hudu zuwa shida zai basu damar yiwa al’ummar da suka zabesu damar yin ayyukan da suka dace.
A nata jawabin, Farfesa Ummu Ahmad Jalingo ta shashin tattalin arziki ta jami’ar Bayero, tayi jawabin mai tsohon kan tabarbarewar tattalin arziki a duniya.
Sarki Sanusi II ya fadi hanyar warware matsalolin tattalin arziki
