Shugaban Kwamitin Majalisar Wakilai kan Albarkatun Man fetur, Alhassan Ado Doguwa, ya nemi afuwar reshen Jam’iyyar APC na Jihar Osun, inda ya ce shi ne babban mai tallata jam’iyyar.
Jam’iyyar ta fitar da wata sanarwa, jami’in yada Labaran jami’iyyar a jihar Mista Kola Olabisi, ya sanya hannu a ranar Litinin, inda ta zargi Doguwa da cin zarafin jam’iyyar da furucin da ya yi a bikin ranar Ede na wannan shekara.
Doguwa, wanda ke wakiltar mazabar Doguwa/Tudun Wada a jihar Kano a Majalisar Wakilai, ya wakilci shugaban majalisar, Tajudeen Abbas, a taron da aka gudanar ranar Asabar a Ede.
A martaninsa, Doguwa ya ce har yanzu shi ne babban mai tallata APC a duk fadin kasar nan, kuma ɗan asalin jam’iyyar.
Ya zargi jami’yyar PDP a jihar Osun da fassara maganarsa ba daidai ba, amma yace hakan ba zai hana APC samun nasara a zaben gwamnan jihar a 2026
Yace “Zan kasance amintaccen dan jam’iyya kuma mai alfahari da APC, jam’iyyar siyasa mafi girma a Afirka. kuma ni ne babban mai tallata jam’iyyar ba kawai a Kano ba, har ma a duk fadin kasar.”
Doguwa ya nemi afuwar APC
