Majalisar dokokin Kano tace ta gamsu da yadda kowace karamar hukumar ta ware naira miliyan hamsin domin siyo irin shuka dan noman rani da damuna domin wadata jihar kano da abinci.
Shugaban kwamitin kananan hukumomi da sha’anin masarautu na majalisar Zubairu Hamza Massu ne ya bayyana hakan bayan majalisar ta gama tattaunawa da shugabannin kananan hukumomin kan kasafin kudin kowace karamar hukuma.
Massu yace duk da kudurin sabuwar dokar haraji bai samu nasara ba a yanzu, amma la’akari da yadda gwamnatin tarayya ke neman karkatar da kudin da ake rabawa jihohin kasar nan zuwa jihar Lagos da kudancin Najeriya, akwai bukatar kowace jiha ta nemawa kanta hanyoyin dogaro da kai domin abu ne mai sauki a biyo ta wata hanyar kudurin ya samu amincewa.
Zubairu Hamza Massu yace harkar noma na daga cikin manyan hanyoyin da jihar Kano zata yi amfani da ita wajen dogaro da kan ta.
Majalisar dokokin tace sanya hannun jari a fannin noma zai tallafawa jihar ta dogara da kanta
