Gwamnatin Jihar Katsina a ranar Talata ta baiwa Malama Abdulkadir-Yanmama kyautar N500,000 saboda ta dawo da N748,320 da aka rasa, wanda aka tsara domin shirin ciyar da dalibai na Gwamnatin Tarayya a jihar.
Daraktan Gudanarwa na Hukumar Shirin Zuba Jarin Jama’a ta Jihar Katsina, Dr. Mudassir Nasir, ne ya mika kyautar ga matar.
Nasir ya bayyana cewa, “Ta shaida mana cewa ta karbi sanarwar kudi da aka rubuta ‘Biyan kuɗin masu sayar da abincin yaran makaranta.’ “
“Matar ta yanke shawarar zuwa ofishinmu saboda bata cikin jerin sunayen masu sayar da abincin ɗalibanmu kuma bata cikin irin wannan shirin.
“Mun nemi bayanan asusunta na banki kuma ofishin mai kula da lissafin kuɗi na gwamnati ya tabbatar da gaskiyarta.”
“Saboda haka, Gwamna Dikko Radda ya bada umarnin a bata N500,000, da kuma wasikar yabo, sannan a bata damar shiga shirin abincin makaranta na gaba.”
Wata mata ta samu N500,000 daga Gwamnatin Katsina bayan ta mayar da kudin da aka rasa
