Dan majalisar dokokin da ke wakiltar yankin Ondo South, Jimoh Ibrahim, yace gwamnatin Shugaba Bola Tinubu za tayi amfani da fasaha wajen magance kalubalen tsaro na kasa.
Ibrahim, Shugaban Kwamitin Majalisar Dattijai na Harkokin Majalisun Duniya, ya ce gwamnatin za tayi amfani da Ƙirƙirarriyar Basira (AI) don magance rashin tsaro a shekarar 2025, yana mai nuni da tanadin naira miliyan 4.91 a cikin kasafin kudin Shugaba Tinubu don tsaro da kariya.
Memban jam’iyyar APC ya bayyana shekarar mai zuwa a matsayin shekarar wahala ga masu aikata laifi, inda yace gwamnatin yanzu tana shirin samar da manhajoji don gano ‘yan fashin daji, masu garkuwa da mutane, da ‘yan ta’adda.
“Zai yi amfani da Ƙirƙirarriyar Basira (AI) ga jami’an tsaro domin sanya rayuwa ta zama mai wahala gare su,” in ji shi a cikin shirin Politics Today na Channels Television.
Nigeria na fuskantar kalubalen tsaro a fannoni da dama, amma dan majalisar ya bayyana cewa gwamnatin tarayya tana samun nasara a wannan bangaren.
Ya ce alamu suna nuna ci gaba a yanayin tsaron kasar.
A cewar dan majalisar, jami’an tsaro sun yi kokari sosai wajen tabbatar da cewa babu wata gari ko birni da ke cikin ikon ‘yan ta’addan Boko Haram.
Ƙirƙirarriyar basira zai taimaka wajen magance tsaro a 2025 – Sanata Ibrahim
