Hukumar Raya Yankin Delta ta Niger NDDC ta karyata jita-jitar cewa tana bayar da tallafin kudi na N30,000 na Kirsimeti ga jama’a.
A cewar wata sanarwa da aka fitar a Port Harcourt, babban birnin jihar Rivers, a ranar Alhamis, Daraktan Harkokin Kamfanin NDDC, Seledi Thompson-Wakama, ya danganta wannan jita-jita da ayyukan ‘yan damfara da masu nuna kansu a matsayin wakilan hukumar, suna jan hankalin mutane su nemi tallafin ta hanyar wata asusun Facebook da aka yi kwafin wanda ke dauke da suna da hoton Shugaban Hukumar, Chiedu Ebie.
Asusun Facebook na bogi da rubutun, “Niger Delta State 30,000 Naira Xmas Cash Transfer” yana ikirarin cewa “Shugaban Jihar Niger Delta, Mista Chiedu Ebie, yana bayar da N30,000 don murnar bikin Kirsimeti.”
“Asusun bogi yana gayyatar mutane su yi rijista da nema tallafin kudi na Kirsimeti.”
“Jama’a su sani cewa Shugaban NDDC da hukumar basuda alaka da wannan asusun bogi wanda ake amfani da shi wajen yaudarar da damfara mutane.
“An sanar da hukumomin tsaro don su gudanar da bincike da kuma gurfanar da masu laifi a gaban kotu. Hakanan muna kira ga duk wanda ya gamu da irin wannan aika-aika na damfara, ya kai rahoto cikin gaggawa ga hukumomin tsaro domin daukar matakin da ya dace.”
NDDC ta karyata jita-jitar bayar da N30,000 a matsayin tallafin kudin Kirsimeti
