Yau Asabar al’ummar kasar Ghana ke kada kuri’a a zaben shugaban kasar karo na 9 tun bayan da kasar ta koma mulkin dimokuradiyyar a shekarar 1993.
Manyan jam’iyyu biyu ne dai ke fafatawa da juna, da suka hada jam’iyya mai mulki New Patriotic Party {NPP} da Mahamudu Bawumia ke wa takara sai babbar abokiyar hamayyarta National Demoratic Congress {NDC} da tsohon shugaban kasar John Mahama ke wa takara.
Baya ga wadannan akwai wasu yan takarar biyu daga jamiyyun movement for change da kuma the new force.
A jawabin da yayi wa alummar kasar a jiya Juma’a jajiberen zaben, shugaban ksar Nana Akupo Addo yayi kira ga yan Ghana da su cigaba da rike kambunsu na kasa mafi zaman lafiya a Afrika, ya kuma jinjinawa hukumar zabe da jami’an tsaro da yan takara da yan siyasa da sauran al’umma bisa kammala yakin nema zabe cikin lumana.
Ya bada tabbacin goyon bayan gwamnati wajen gudanar da zabe mai inganci, tare da baiwa al’umma abinda su ka zaba.
Tuni dai aka bude rumfunan zabe a baki dayan kasar daga karfe 7 na safiyar Asabar kuma kawo yanzu ana cigaba da kada kuri’a batare da wata matsala ba.
Jagoran tawagar kungiyar cigaban tattalin arzikin kasashen afirka ta yamma dake sa ido, tsohon matamakin shugaban kasa Namadi Sambo, ya bayyana gamsuwa da yadda aka yi shirye shiryen zaben, yace sun gana da sbugaba Addo da shugaban hukumar zabe d sauran masu sanya ido daga kasashen duniya kuma amsar da suke samu mai karfafa gwiwa ce.
Zaben dai shi zai kawo karshen mulkin shugaba Nana Akupo Addo da ya lashen zabe a karon farko a 2006 bayan doke tsohon shugaba kuma dan takarar NDC a zaben yau, John Mahama.
Kuri’ar jin ra’ayin masu zabe dai ta nuna tsare-tsaren tattalin arziki shine akan gaba wajen fayyace wanda zasu zaba.
Ana sa ran fara samun sakamakon zaben daga shiyyoyin kasar 16 daga gobe Talata.
Al’ummar Ghana na zaben sabon shugaban kasa
