Gwamnatin tarayya ta sallami ma’aikatan dake da kwalin digirin jami’ar Togo da Benin wadanda suka kammala karatu daga 2017 zuwa yau.
Daraktan labarai da hulda da jama’a a ofishin sakataren gwamnatin tarayya, Segun Imohosen ya tabbatar da daukan matakin a Larabar nan.
A watan Agustan da ya gabata, gwamnatin tarayya ta sanar da sunan jami’oi takwas a Togo da Benin a matsayin wadanda ta amince daliban Najeriya suje domin neman ilmi.
Wannan ya biyo bayan wani binciken kwakwaf da jaridar Daily Nigeria tayi wanda ya bankado yadda ake cuwa cuwar kwalin digiri har zuwa ga bautar kasa.
Wannan yasa gwamnatin kafa wani kwamitin ministoci domin bincikar lamarin
Ministan ilmi na lokacin Tahir Mamman yace sama da mutane 22,500 ne ke aiki da kwalin digiri na bogi daga jami’oin Togo da Benin,
Gwamnati ta kori ma’aikatanta masu digiri dan Kwatano
