Babban Lauyan Tarayya (AGF) kuma Ministan Shari’a, Cif Lateef Fagbemi, ya jaddada kudirin gwamnati na kawar da cin hanci da rashawa a Najeriya.
Fagbemi ya bayyana haka yayin da yake jawabi a taron tattaunawa kan manufofin yaki da cin hanci da rashawa a Najeriya (1999-2024) a Abuja.
Fagbemi ya jaddada cewa cin hanci da rashawa wani babban shinge ne ga ci gaban kasa kuma dole ne a kawar da shi don tabbatar da ci gaba Mai dorewa.
Ya kuma bayyana tsare-tsaren da za a yi na wata manufar yaki da cin hanci da rashawa ta kasa da nufin dakile dabi’ar baki daya.
Dokta Kole Shettima, Daraktan gidauniyar MacArthur, a yammacin Afirka, ya bukaci kafafen yada labarai da su kara kaimi, bawai kawai fallasa ayyukan cin hanci da rashawa zasu tsaya ba har ma da bayar da rahoton kyawawan ayyuka da gwamnati ta dauka na yaki da cin hanci da rashawa.
A nasa bangaren, Dr. Musa Adamu Aliyu, shugaban hukumar yaki da cin hanci da rashawa mai zaman kanta ta ICPC, ya jaddada bukatar samar da hadin gwiwa tsakanin hukumomin yaki da cin hanci da rashawa domin inganta ayyukan bincike da kuma gurfanar da masu laifi a gaban kotu.
Gwamnatin Tarayya ta jaddada aniyar dakile cin hanci da rashawa a Kasar
