Gwamnatin jihar Kogi ta ba da umarnin rufe kasuwar Zango sakamakon barazanar tsaro a yankin.
Wata sanarwa da kwamshinan labaran jihar Kingsley Fanwo ya fitar a larabar nan, tace gwamnati ta kuma haramta ganin jerin gwanon manyan motoci da ake ajiyewa gefen titin kasuwar.
“Daukan wadannan matakai ya zama wajibi domin dakile matsalar tsaro a yankin” inji kwamishinan
Ya kara da cewa;
“Bayanan sirri sun nuna cewar batagari kan hada baki da direbobin manyan motoci wajen mayar da kasuwar mafakar batagari.”
Wannan kuma babbar barazana ga Jami’ar Confluence dake Osar, ko a ‘yan kwanakin baya sai da aka yi garkuwa da wasu daga cikin daliban Jami’ar.
Jami’an tsaro da gwamnatin jihar dai na alakanta tabarbarewar tsaro a yankin da yadda lamurra ke tafiya a kasuwar Zango.
Jihar Kogi ta rufe kasuwar Zango
