Kada ya kai hari ya kashe wata mata yayin da take aiki a gonar manja a tsakiyar Indonesia, in ji ‘yan sandan yankin.
Matar mai shekaru 44 tana aiki tare da abokin aikinta a lardin West Kalimantan, a tsibirin Borneo, lokacin da kada ya bi su, inda ya tsinkaye hannun hagun matar ya jefa ta cikin ramin ruwa.
Abokin aikin matar ya yi ƙoƙarin ciro ta daga hannun kada, amma ya kasa sai ya gudu zuwa wajen jami’an ‘yan sanda a yankin Ketapang da ke bakin tekun.
A cewar shugaban ‘yan sanda na yankin, Bagus Tri Baskoro, bayan bincike na tsawon mintuna 90, an samu gawar matar.
Ya ce an gano gawar matar tana cikin hannun kada ba nisa daga wurin da aka kai hari.
Kada ya saki gawar matar ne lokacin da masu ceto suka kusanto, ya kara da cewa.
Indonesia tana da nau’ukan kada da dama wadanda ke yawan kai hari da kashe mutane.
Kada ya kashe wata mata da take aiki a gonar manja a Kasar Indonesia
