Yan Kasuwar Kano basa amfani da tashar tsandauri ta Dala Inland yadda yakamata – Ahmad Rabiu
Shugaban tashar Ahmad Rabiu ne yayi wannan korafi a tattaunawarsa da DAILY POST HAUSA yammacin Alhamis.
Rabiu yace duk da tashar ta shekara da fara aiki a Kano, wasu yan kasuwa daga makotan jihohi ne suka fi cin gajiyarta, ya ce tuni suka yi nasarar fara fitar da kaya zuwa ketare, ba tare da wani kalubale ba.
“Tsohon layin dogo da ya shigo tashar mu yana aiki sosai amma sai dai ban san dalilin da yasa yan kasuwa a Kano ke kai kayan wani wuri ba, maimakon kawo mana”
Ya danganta hakan da yawan kananan tashoshin fiton kaya da ake dasu a Kano, da yawansu ya kai 7, inda yace akwai bukatar hada hannu domin yin aiki tare da tashar ta Dala.
“Aiki damu ba zai rage musu ribarsu ba, sai ma kari, ina kira ga wadannan kananan tashoshin su zo mu hada kai domin bunkasa kasuwanci a Kano da arewacin Najeriya”
Har yanzu gwamnatin tarayya bata kai ga kammala aikin sabon layin dogon da aka faro tun lokacin gwamnatin tsohon shugaban kasa Muhammadu buhari ba, wanda shine zai kasance daya daga cikin manyan ayyukan da arewa ta gani cikin shekaru.
Yan Kasuwar Kano basa amfani da tashar tsandauri ta Dala Inland yadda yakamata – Ahmad Rabiu
